=IkAw LaNg=

Sabi nila ikaw at ako, di tanggap ng publiko

Relasyon ay mali 'pagkat tayo ay pareho

Ngunit ito, ang tanging tanong ko

Kelan naging mali ang magmahal ng totoo?

Sa hirap at ginhawa kasama kita...

Sabay na hinaharap kapalarang itinakda

Dito sa lugar kung saan tayo ay banyaga

'Di alintana lumbay na nadarama

Sapagkat aking mahal, kasama kita...

Madalas man ako sa iyo'y magsungit

Sa'yo ibinubunton lahat ng hinagpis

Ngunit sa oras na ako'y makapag-isip

Lambing at pagsusuyo'y walang kasing tamis

'Di man natin hawak ang bukas

Nangangakong magsasama hanggang sa wakas

Sabay na tatanda at sabay na kukupas

Mga pusa at aso siguradong walang ligtas...

Bestot mahal ko, pakatatandaan mo

Ikaw lang sa puso at isipan ko

Hindi magbabago dumaan man ang mga siglo

Ikaw at ikaw lang, ang iibigin ko.
- Bles Velasco -