tula ni tuting kay iting at mining

Anak ng pusa ka nga!
Yan ang nasasambit
Kapag nangungulit
Si iting at mining
Na parang namimilit
Sa hapag kainan
Grabe kung bumirit
Meow!meow!meow!
Yan ang sinasambit...
'Pag di napagbigyan
Ang kanilang hiling
Tinik ng isdang
Iyong kinakain
Isusubo mo na
Kanila pang aagawin
Nakakainis sarap paliparin
Ngunit kahit
nakakakunsumi
Boses nilang parang
kinakanti
Makita mo lang
Mukhang inosente
Mapapangiti ka
At lahat mapapawi
Masarap sa pakiramdam ang saya
Dulot ng pusa lalo't nag-iisa
Nakikinig sa senti mong walang kwenta
Di kumukontra sa kwentong 1 to sawa
Malambot na balahibo
Mainit na katawan
Iilan lng yan
Sa aking nagustuhan
Sa hayop na ordinaryo
Kung tignan
Ngunit sa akin...
Siyang aking KALIGAYAHAN...